|
|
|
|
Uff dr Fähri
Will-i hit Geburtstag fyr,
fahr-i uff em Rhy.
D'Fähri ich jo gar nit tyr.
Frehlig styg-i yy.
Fir zwai Batze hi und zrugg
isch e Gschänggli jo.
Himmelhoch isch d'Wettstaibrugg.
Fährimaa blyb stoh!
Doch sy Schiffli macht kai Rascht,
's Rad am Saili rollt.
's Minschter ragt in d'Wulgge fascht.
D'Wulgge sind wie Gold.
D'Wälle spritze d'Fähri aa.
O, wie ruuscht dr Rhy!
Wott bis noch Amerika
in däm Schiffli sy!
Kommentar:
fyr = feier
Fähri = Rheinfähre
tyr = teuer
Wettstaibrugg = Wettsteinbrücke
Minschter = Basler Münster
Wulgge = Wolken
Geschrieben von Anna Keller (1879-1962)
|
|